Два цікавых фотаздымка Станіслава Балаховіча
Сяржук Кабрусёў
Вясной 1920 года Станіслаў Балаховіч са сваім аддзелам перабраўся ў акупаваны пілсудчыкамі Брэст. Войска апынулася ў 4-м форце. На кані ў новым мундзіры (першы фотаздымак) Балаховіч аб'язджае свае ўладанні. На другім фотаздымку Станіслаў Балаховіч у мундзіры з пятліцамі генерала, так званага Дабраахвотнага Хаўруснага войска, якое ён узначаліў у жніўні 1920 года. Кіцель генерала польскі афіцэрскі М19. Замест гузікаў з Арлом да кіцеля прышыты скураныя гузікі ў выглядзе вузла. Такія гузікі часта ўжываліся ў польскіх вецеранскіх арганізацыях. Да кішэні мундзіраў з першага і другога фотаздымкаў прышпілен крыж. Даследчыкі лічаць, што гэта зменшаная копія Крыжа Харобрых (фрачнік). Такую ўзнагароду (на шрубе) змяніў у пачатку 30-х варыант з калодкай на чорна-жоўтай стужцы. Да юбілея падзей пачатка 20-х Балаховіч масава раздаваў гэтыя крыжы сваім былым паплечнікам.
Вясна 1920. 4 форт, Брэст
Станіслаў Балаховіч у мундзіры расійскага генерала. Жнівень-верасень 1920.
| 
