Невядомы знак Станіслава Балаховіча
Сяржук Кабрусёў
На раскалераваным фотаздымку-расійскі генерал Станіслаў Булак-Балаховіч. Лета 1920 года. Што за ўзнагарода з крыжам на яго левай кішэні ? Такі крыж покуль нельга ўбычыць ў каталагах, не ўсплываў ён і ў калекцыях. Агучу дзве версіі наконт гэтага знака. Першая, гэта ўзнагарода Паўночна-заходняга расійскага войска: белы крыж на тарчы ў колерах сцяга Расійскай Дэмакратычнай Рэспублікі. Падобныя ўзнагароды з надпісам "13-го мая 1919" ёсць у калекцыях. Па лета 1919 года Балаховіч ваяваў з бальшавікамі на баку расійцаў. Белы крыж на трыкалоры-эмблема ПЗВ.
Другая версія, гэта мадыфікаваны пад польскім уплывам герб Валыні: белы крыж на тарчы ў колерах сцяга Польскай Рэспублікі. З такім знакам на мундзіры можна ўбачыць Станіслава Балаховіча на фотаздымках, якія былі зроблены ранняй вясной 1920 года ў Бярэсці. Верагодна, гэта палкавы знак Беларускага атрада Балаховіча, які быў сфарміраваны паўторна вясной 1920-га на Валыні. Але можа да герба Валыні, як месца фармавання атрада, гэты знак ніякага дачынення і не мае. Тут мы проста бачым Крыж-эмблему атрада Балаховіча (гэты крыж балахоўцы ўжывалі з восені 1918 года), якую спалучылі са цягам Польшы.
Расійскі генерал Станіслаў Балаховіч.
Знак Паўночна-заходняга войска ? Графічная рэканструкцыя.
Знак Беларускага атрада Балаховіча ў Польшы ? Графічная рэканструкцыя.
Знакі ПЗВ "13-го мая 1919"
Знак Лейбгвардзейскага Валынскага палка.
|